2023-04-16
დავით ზაალიშვილი მოსახლეობას აღდგომის ბრწყინვალე დღესასწაულს ულოცავს
ქრისტე აღდგა!
მთელი გულით გილოცავთ აღდგომის ბრწყინვალე დღესასწაულს!
დღეს წმინდა სამოციქულო მართმადიდებელი ეკლესია ქრისტიანული სამყაროს უმთავრეს მოვლენას - იესო ქრისტეს მკვდრეთით აღდგომის დღესასწაულს ზეიმობს. ყველა მართმადიდებელი ქრისტიანისთვის ეს დღესასწაული უდიდესია ქრისტიანულ დღესასწაულთა შორის . ეს არის ყველაზე დიდი სიხარულისა და იმედის მომტანი დღე, სიცოცხლის სიკვდილზე გამარჯვებისა და საყოველთაო განახლების დღე.
გაძლიერებასა და გამარჯვებას ვუსურვებ ყველა ოჯახს, კეთილი იმედების გამართლებას ჩვენი ქალაქისა და სამშობლოს საკეთილდღეოდ.
კიდევ ერთხელ გილოცავთ და მშვიდობასა და კეთილდღეობას გისურვებთ.
პატივისცემით,
დავით ზაალიშვილი
ბორჯომის მუნიციპალიტეტის საკრებულოს თავმჯდომარე