ძვირფასო ქალბატონებო,

გილოცავთ 8 მარტს - ქალთა საერთაშორისო დღეს! თქვენი როლი ქვეყნის წინსვლისთვის და კეთილდღეობისთვის უმნიშვნელოვანესია. ყოველი დღე საზოგადოებრივ თუ სოციალურ-პოლიტიკურ ცხოვრებაში დაფუძნებულია თქვენს შრომასა და პროფესიონალიზმზე. სწორედ, ძლიერი და განათლებული ქალების დამსახურებაა ბევრი მნიშვნელოვანი სოციალური ცვლილება, რომელმაც სამყარო უკეთესობისკენ შეცვალა.

დღეს ბორჯომის მუნიციპალიტეტის საკრებულოში იმაზე მეტი ქალია, ვიდრე ოდესმე და ხუთი მუდმივმოქმედი კომისიიდან სამი კომისიის თავმჯდომარე სწორედ რომ ქალია. ეს დიდი წინგადადგმული ნაბიჯია. მე ვიმედოვნებ, რომ ქალთა რიცხვი მოწინავე პოზიციებზე შემდეგ წლებშიც მნიშვნელოვნად გაიზრდება!

კიდევ ერთხელ, მთელი გულით, გილოცავთ და გისურვებთ ბევრ წარმატებას პირად ცხოვრებასა და საზოგადოებრივ საქმიანობაში!

დავით ზაალიშვილი,

ბორჯომის მუნიციპალიტეტის საკრებულოს თავმჯდომარე