ბორჯომში ფაშიზმზე გამარჯვების 78-ე წლისთავი აღინიშნა.

გამარჯვების სკვერში ადგილობრივი ხელისუფლების წარმომადგენლებმა და რიგითმა მოქალაქეებმა II მსოფლიო ომში გარდაცვლილი გმირები გაიხსენეს და მათ ხსოვნას პატივი კიდევ ერთხელ მიაგეს.

ბორჯომის მუნიციპალიტეტის საკრებულოს თავმჯდომარემ დავით ზაალიშვილმა, მისმა მოადგილემ ჯუმბერ კურტანიძე, მერის მოადგილემ გიორგი ტაბატაძემ, მერიისა და საკრებულოს თანამშრომლებმა მემორიალი გვირგვინითა და ყვავილებით შეამკეს.

დეკანოზმა იოანემ (ხეცურიანი) გარდაცვლილი გმირების სულის მოსახსენიებელი პანაშვიდი გადაიხადა.

ღონისძიება მუსიკალურად გააფორმეს ა(ა)იპ კულტურისა და ხელოვნების ცენტრთან არსებულმა ვოკალურმა ანსამბლებმა: „ბორჯომი“ და „ნენანა“.

მოგვიანებით ხელმძღვანელმა პირებმა და რიგითმა მოქალაქეებმა „ძმათა სასაფლაოზე“ გადაინაცვლეს, სადაც II მსოფლიო ომში დაღუპულთა მემორიალი და გმირთა საფლავები ყვავილებით შეამკეს.