2023-01-12
ახალ უბანში დაზიანებული საყრდენი კედლის რეაბილიტაცია დაიწყო
ე.წ ახალი უბნის დასახლებაში დაზიანებული მდ მტკვრის დამცავი საყრდენი კედლის რეაბილიტაციის მოსამზადებელი სამუშაოები დაიწყო. კერძოდ, ამ ეტაპზე მიმდინარეობს მდინარის კალაპოტის გადატანის სამუშაოები.
დაზიანებული საყრდენი კედლის რეაბილიტაციისთვის სახელმწიფო ბიუჯეტიდან 3 900 000 ლარია გამოყოფილი.
შეგახსენებთ, რომ გასული წლის 6 მაისს, ბორჯომში მოსული უხვი ნალექის გამო, ახალი უბნის ქალაქის ცენტრთან დამაკავშირებელ გზაზე, მდინარე მტკვრის ადიდებამ არსებული ნაპირსამაგრი კედლის დაზიანება გამოიწვია.