ძვირფასო აბიტურიენტებო,

დღეს თქვენთვის მნიშვნელოვანი დღეა, დღეიდან ხომ ერთიანი ეროვნული გამოცდები იწყება.

წინ ემოციურად დატვირთული დღეები გელოდებათ. იმედი მაქვს, რომ ყველა გამოცდას წარმატებით ჩააბარებთ, გახდებით სტუდენტები და განათლების მიღებას სასურველ ფაკულტეტებზე გააგრძელებთ. მერწმუნეთ, განათლება საკუთარ მომავალში ჩადებული საუკეთესო ინვესტიციაა და გისურვებთ, რომ ეს პერიოდი მაქსიმალურად ნაყოფიერად გამოიყენოთ.

თქვენ ხართ ჩვენი ქალაქის, ქვეყნის მომავალი თაობა. მე ღრმად მწამს, რომ თითოეული თქვენგანი შეძლებს საკუთრი თავის რეალიზაციას და დასახული მიზნების მიღწევას. მე კი გპირდებით, რომ ცოდნის მიღების გზაზე ბორჯომის მუნიციპალიტეტი მუდამ თქვენ გვერდით იქნება.

ცხოვრების ამ უმნიშვნელოვანეს ეტაპზე ბევრ წარმატებას გისურვებთ!

საუკეთესო სურვილებით,

დავით ზაალიშვილი

ბორჯომის მუნიციპალიტეტის საკრებულოს თავმჯდომარე