ძვირფასო აბიტურიენტებო,

გილოცავთ თქვენი ცხოვრების ერთ-ერთ უმნიშვნელოვანეს მოვლენას - სკოლის დასრულებას! ის რაც თქვენთვის 12 წლის განმავლობაში ყოველდღიურობა იყო, ღრმად მწამს, რომ დაუვიწყარ მოგონებებად და გამოცდილებად იქცევა.

ახლა კი თქვენთვის სრულიად განსხვავებული ეტაპი იწყება - ახალი გამოცდილებებით, ურთიერთობებით, ცოდნისა და განვითარების შესაძლებლობებით, მეტი უფლებებითა და მეტი პასუხიმგებლობებით.

მე მჯერა, რომ თითოეული თქვენგანი თქვენი შესაძლებლობების რეალიზაციას მაქსიმალურად შეძლებთ, თქვენთვის სასურველ და საოცნებო პროფესიას დაეუფლებით, საზოგადოებაში ღირსეულ ადგილს დაიმკვიდრებთ და თქვენს წვლილს შეიტანთ ქვეყნის განვითარებასა და აღმშენებლობაში.

გახსოვდეთ, რომ თქვენი შრომა და წარმატება ჩვენს ქალაქსა და ქვეყანას ისე გამოადგება, როგორც პირადად თქვენ!

მთელი გულით, კიდევ ერთხელ გილოცავთ სკოლის დამთავრებას და გახსოვდეთ, რომ ცოდნის მიღების ამ რთულ გზაზე ბორჯომის მუნიციპალიტეტი მუდამ თქვენ გვერდით იქნება.

საუკეთესო სურვილებით,

დავით ზაალიშვილი

ბორჯომის მუნიციპალიტეტის საკრებულოს თავმჯდომარე