21 თებერვალს, ბორჯომის მუნიციპალიტეტის საკრებულოს გეგმიური სხდომა გაიმართა, რომელსაც წარმომადგენლობითი ორგანოს თავმჯდომარე დავით ზაალიშვილი უძღვებოდა.

საკრებულოს გეგმიურ სხდომას ბორჯომის მუნიციპალიტეტის მერი ოთარ არბოლიშვილიც ესწრებოდა.

დეპუტატებმა დღის წესრიგით განსაზღვრული შემდეგი საკითხები დაამტკიცეს:

ბორჯომის მუნიციპალიტეტის საკუთრებაში არსებული, სოფელ ციხისჯვარში

მდებარე უძრავი ქონების 2710 კვ.მ არასასოფლო-სამეურნეო დანიშნულების მიწის ნაკვეთის და მასზე მდგომი შენობა-ნაგებობის სახელმწიფოსთვის საკუთრებაში

გადაცემის შესახებ;

ბორჯომის მუნიციპალიტეტის საკუთრებაში არსებული უძრავი ქონების პირდაპირი განკარგვის ფორმით, სარგებლობის უფლებით გაცემასთან დაკავშირებით

ბორჯომის მუნიციპალიტეტის მერისთვის თანხმობის მიცემის შესახებ;

საქართველოს რეგიონებში განსახორციელებელი პროექტების ფონდიდან ბორჯომის მუნიციპალიტეტში 2025-2026 წელს დასაფინანსებელი საპროექტო

წინადადების მოწონების თაობაზე;

ბორჯომის მუნიციპალიტეტის ტერიტორიაზე სახელმწიფო და ადგილობრივი

თვითმმართველი ერთეულის საკუთრებაში არსებული არასასოფლო‐სამეურნეო

დანიშნულების მიწის ნორმატიული ფასის დადგენისა და ტერიტორიული ზონირების განსაზღვრის შესახებ;

„2025 წელს შრომითი ხელშეკრულებით დასაქმებულ საჯარო მოსამსახურეთა რიცხოვნობის განსაზღვრის შესახებ“ ბორჯომის მუნიციპალიტეტის საკრებულოს 2024 წლის 24 დეკემბრის Nგ-17.17243595 განკარგულებაში ცვილება განხორციელდა;

ბორჯომი, ვაჟა-ფშაველას ქუჩის მიმდებარედ მდებარე გეოგრაფიული ობიექტისთვის (ჩიხი) სახელწოდების მინიჭების შესახებ;

დაბა ახალდაბაში მდებარე უსახელო გეოგრაფიული ობიექტისთვის (ქუჩა) სახელწოდების მინიჭების შესახებ.

მათ ასევე მოისმინეს:

ბორჯომის მუნიციპალიტეტის საკრებულოს

კულტურის, განათლების, სპორტის და ახალგაზრდულ საქმეთა კომისიის თავმჯდომარის მამუკა ლურსმანაშვილის ანგარიში 2024 წელს გაწეული მუშაობის შესახებ შესახებ;

ბორჯომის მუნიციპალიტეტის საკრებულოს ჯანმრთელობის დაცვისა და სოციალურ საკითხთა კომისიის თავმჯდომარის სალომე თედელურის ანგარიში 2024 წელს გაწეული მუშაობის შესახებ.